ياولد عمي نخيتك بنت عمك

محد قده عدد الرسائل : 90 تاريخ التسجيل : 20/12/2009

ياولد عمي نخيتگْ .. والقصيد أسنده يمگْ
عدّها نخوة حميـــّا .. عدّها نخوة ميانه

وأعرف إني لانخيتـــگْ فاض بالفزعات جمگْ
وأعرف إنگْ ماتقول الراي إلا في مكــانه

إحتميــني ياولد عــــمي إذا فعلاً أهمگْ
أوقف بوجه المواجـع والظـلايم والمهانه

زمني حد النجــوم اللي عليها كنت أزمگْ
عـالم الحـرمان هـذا ذله وإقـطع لسـانه

عـالم الخـذلان هـذا ذوّقه لحـظــات سمگْ
عـالم البهتـان والطغيان ماعنده أمانه

بنت عـمك ياولد عـمي تـراهــا بنت عمك
تارد الموت الحمر ماهي عن الوقفه جبانه

دمي اللي في عروقي هو ترا من نفس دمگْ
دم نـشـمـيٍ إلى مـن فـــار مـادور مـعانه

والـجـفـا لالـم خطـواته طلبتـگْ لا يلـمگْ
الجفا كافر وأنا وإنته على نفس الديانه

إنخـذلـت بـكـل مـن حـولي وخـذلاني يعمگْ
وإنطعـنت بكـل سكـينٍ نـوت طـعـني خيانه

طـعـنة الـــدنيا بجوفي عن ندايه لاتصمگْ
طعنـةٍ تثـعـل جــروحي ثم تمثناها لعانه

يـاولـد عمـي نخيتگْ بنت عمگْ 00 بنت عمگْ
عالم الخـذلان والنـكران مـاعـنده أمانه